Eng Woch am Zeeche vun der Kultur an dem Patrimoine vu Lëtzebuerg

An dëser 1. Editioun vu Lëtzebuerg (er)liewen sollen all interesséiert Kanner, Jugendlecher, Klassen a Schoulen d’Méiglechkeet hunn, fir bei Aktivitéiten a Projete ronderëm d’lëtzebuergesch Welt vun der Musek, dem Theater, der Literatur oder awer och dem Patrimoine matzemaachen. De SCRIPT huet déi éischt Versioun vun der neier Woch Lëtzebuerg (er)liewen konzipéiert an ausgeschafft.

Op www.letzebuergerliewen.lu fënnt een déi eenzel Offerten, déi fir dës Woch (an natierlech och doriwwer eraus) ugebuede ginn. Souwuel fir doheem oder fir zesummen an der Klass.  Dëst sinn ënnert anerem: 

  • Applikatiounen, Léierplattformen an thematesch Dossiere ronderëm d’Lëtzebuerger Kultur;
  • nei Lidder a Materialien zum lëtzebuergesche Patrimoine;
  • Meet and Greets a kleng Projete mat Lëtzebuerger Kënschtler; 
  • de Gesangsconcours Sang Däi Patrimoine;
  • Visitten an ausgewielte kulturellen Institutiounen;
  • Ablécker an d’Lëtzebuerger Sprooch a Rechtschreiwung;
  • ... an doriwwer eraus kënne sech d’Klassen natierlech selwer och flott Aktivitéite ronderëm d’Lëtzebuerger Kultur an de Patrimoine afale loossen.